२१ चैत, रामेछाप । रामेछापको मन्थलीमा सोलुखुम्बुको लुक्लाको मौसम खराब हुँदा झण्डै पाँच सय पर्यटक रामेछाप विमानस्थलमा  रोकिएका छन् । केही पर्यटकहरू भने हेलिकप्टर चार्टर गरी लुक्ला तर्फ गई रहेको छन् । रामेछाप विमानस्थलका प्राविधिक उज्ज्वल गुरागाँइले रामेछाप टाइम्सलाई दिएको जानकारी अनुसार पाँच सय भन्दा बढी विभिन्न देशका पर्यटकहरू आज दिउँसो १ बजे देखि मौसम खराबी हुँदा उडान पर्यटकहरू मन्थलीमा नै रोकिन बाध्य भएको हुन । 

वसन्त ऋतु लागेसँगै सगरमाथा प्रवेश गर्ने मुख्य मार्गको रूपमा रहेको यो विमानस्थलमा पर्यटकहरूलाई एजेन्सीहरूले गाडी मार्फत बिपी राजमार्ग हुँदै मन्थली झारेर यहाँबाट जहाज मार्फत लुक्ला ओसार्ने गरेका छन् । नियमित जहाज मार्फत लुक्ला झर्नु पर्ने पर्यटकहरू लुक्लाको मौसम बारम्बार खराब हुँदा मन्थलीमा रोकिनु परेको छ । यसरी पर्यटकहरू यहाँ रोकिँदा यसको फाइदा भने मन्थलीका होटेल तथा स्थानीयहरूलाई पुग्ने गरेको छ । 

रामेछाप र सोलुखुम्बुका विभिन्न स्थानमा लागेको डढेलो एवं आगोलागिका कारण वरपर तुवाँलोले ढाकेको कारण पनि मौसम धुम्म हुँदा भिजिबिलिटी कम हुन पुगेको छ ।

मन्थलीमा रोकिएका पर्यटकहरु मन्थली बजारमा घुम्फिर गरि रहेका देखिन्छन् ।

हेडलाइनमा रोकिएका हुनु पर्नेमा अन्यथा भएकोमा सच्याइएको छ । ःस