१३ भदौ, रामेछाप । मन्थली नगरपालिका वडा नं ६ भलुवाजोरको कुनौरीमा बस र स्कुटर ठोक्किँदा स्कुटरमा सवार १ जना घाइते भएका छन् । घाइतेको अवस्था सामान्य रहेको छ । उनको दाहिने हातमा सामान्य चोट लागेको बुझिएको छ । दुर्घटना भएपछि बसका चालक भने गाडी छोडेर फरार भएको प्रत्यक्षदर्शीको भनाई छ।  उनलाई सेलेघाटबाट नियन्त्रणमा लिइएको बुझिएको छ।  

घाइते हुनेमा कुनौरीमा बस्ने अन्दाजी ४८ वर्षीय यज्ञ प्रसाद ढुङ्गेल रहेका जिल्ला प्रहरी प्रवक्ता कौशल न्यौपानेले रामेछाप टाइम्सलाई बताए । ‘बस सर स्कुटर ठोक्किएर दुर्घटना भएको हो’ स्कुटरमा सवार ढुङ्गेल सामान्य घाइते हुनु भएको छ ।’

घाइते ढुङ्गेलको तत्काल उद्दार गरी मन्थली स्थित रामेछाप सामुदायिक अस्पतालमा उपचारको लागि ल्याइएको छ । खुर्कोट–मन्थली सडक अन्तर्गत मन्थलीबाट काठमाडौँ जाँदै अरनिको बा १०००५ ख ९३५६ नम्बरको यात्रुबहाक बस र विपरीत दिशाबाट मन्थली तर्फ आउँदै गरेको बा २००४५ प ०३५९ नम्बरको स्कुटर एक आपसमा ठोक्किँदा दुर्घटना भएको प्रहरीको भनाई छ । 

दुर्घटना कुनौरी र मसानटारको बिचमा पर्ने सामान्य ओरालो सडकमा भएको हो । दुर्घटना आज करिब ३ः१५ बजेको समयमा भएको हो ।