बागमतीसहित तीन प्रदेशमा भिषण वर्षाको सम्भावनाः तीन दिनको मौसम यस्तो !
२४ असार,रामेछाप । आज प्रदेश १, प्रदेश २, बागमती, गण्डकी, लुम्बिनी र कर्णाली प्रदेशका धेरै ठाउँमा तथा सुदूरपश्चिम प्रदेशका केही स्थानहरुमा हल्का देखि मध्यम वर्षाको सम्भावना रहेको जल तथा मौसम पूर्वानुमान् महाशाखाले जनाएको छ ।
प्रदेश १, २, बागमती, गण्डकी र लुम्बिनी प्रदेशका थोरै स्थानहरुमा मेघ गर्जन, चट्याङ्ग सहित भारी वर्षाको सम्भावना रहेको बताइएको छ । महाशाखाका अनुसार प्रदेश १, बागमती, गण्डकी र लुम्बिनी प्रदेशका एक वा दुई स्थान धेरै भारी वर्षाको सम्भावना रहेको छ । भारी बर्षाका कारण यी प्रदेशका पहाडी भू-भागमा पहिरो तथा बढीको सम्भावना रहेको छ । हाल देशभर मनसुनी वायुको प्रभाव रहेको छ ।
अहिले प्रदेश १, बागमती, गण्डकी र लुम्बिनी प्रदेशका केही स्थानहरुमा हल्का देखि मध्यम वर्षा भैरहेको छ।
मौसम सम्बन्धि बुलेटिन् जारी गर्दै महाशाखाले आज देशभर सामान्य देखि पूर्ण बदली रहने उल्लेख गरेको छ । प्रदेश १, २, बागमती, गण्डकी र लुम्बिनी प्रदेशका धेरै ठाउँमा तथा कर्णाली र सुदूरपश्चिम प्रदेशका थोरै स्थानहरुमा हल्का देखि मध्यम वर्षाको सम्भावना रहेको जनाएको छ । आज बागमती प्रदेश, गण्डकी प्रदेश र लुम्बिनी प्रदेशका एक वा दुई स्थानहरुमा धेरै भारी वर्षाको पनि सम्भावना रहेको छ ।
आज राति देशभर सामान्य देखि पूर्ण बदली रहनेछ । भने लुम्बिनी, सुदुरपश्चिम प्रदेश र बागमती प्रदेशका थोरै स्थानहरुमा मेघ गर्जनर चट्याङ्ग सहित भारी वर्षाको सम्भावना छ ।
महाशाखाले शुक्रबार भोली देशभर सामान्य देखि पूर्ण बदली रही धेरै स्थानहरुमा हल्का देखि मध्यम वर्षाको सम्भावना रहेको जनाएको छ ।
भोली प्रदेश १, बागमती, गण्डकी, र सुदुरपश्चिम प्रदेशका थोरै स्थानहरुमा मेघ गर्जन,चट्याङ्ग सहित भारी वर्षाको सम्भावना रहेको जनाएको छ ।
त्यस्तै शनिबार देशभर सामान्य देखि पूर्ण बदली रही धेरै स्थानहरुमा हल्का देखि मध्यम वर्षाको सम्भावना रहेको छ। शनिबार प्रदेश १, बागमती, गण्डकी र लुम्बिनी प्रदेशका एक दुई स्थानहरुमा मेघ गर्जन, चट्याङ्ग सहित भारी वर्षाको सम्भावना रहेको छ ।