प्रधानमन्त्री देउवा र अमेरिकी राजदूत बेरीबीच भेटवार्ता
फाइल फोटो
३१ असार, काठमाडौं । प्रधानमन्त्री शेरबहादुर देउवालाई नेपालका लागि अमेरिकी राजदूत र्यान्डी बेरीले शिष्टाचार भेटवार्ता गरेका छन् ।
राजदूत बेरीले नवनियुक्त प्रधानमन्त्री देउवालाई बधाई दिएका हुन् ।
भेटका क्रममा राजदूत बेरीले प्रधानमन्त्रीको रूपमा हुनुभएका देउवालाई बधाई ज्ञापन गर्दै झन्डै ७५ बर्ष लामो नेपाल-अमेरिका मित्रतालाई अझै सुमधुर र सबल बनाउन काम गरीरहने बाइडेन प्रशासनको प्रतिवद्धता पुन: जाहेर गरेको नेपाल स्थित अमेरीकी दूतावासले जानकारी दिए ।
