हात्तीटारमा गएको पहिरो हटाएसंगै मन्थली-सेलेघाट सडक दुई तर्फि खुल्यो
१५ साउन,रामेछाप । गएराति अबिरल वर्षासंगै खसेको पहिरोले दुई तर्फि रोकिएको मन्थली सेलेघाट सडक संचालनमा आएको छ ।
तीन वटा जेसिबीले बिहानै देखि पहिरो पन्छाएसंगै दुई तर्फि सडक संचालनमा आएको रामेछाप सहयोगी मन (रासम) का सदस्या विश्वास श्रेष्ठले जानकारी दिए ।
उनका अनुसार अहिले सेलेघाट हुदै मन्थली भित्रने र मन्थलीबाट सेलेघाट तर्फ दुई तरिका सवारी साधन गन्तव्य तर्फ लागेका छन् ।
आज बिहानैदेखि मन्थली नगरपालिकाको सहयोगमा, जिल्ला प्रहरी कार्यालय रामेछाप र रासमको टिमले सडक खुलाउने काम गरेका थिए । गएराति अन्दाजी १० ३० बजे मन्थली नगरपालिका हात्तीटारमा पहिरो खस्दा सडक अबरुद्ध भएको थियो ।
सम्बन्धित समाचार-हात्तीटारमा गएकाे पहिराे पन्छाउन टाेली परिचालनः चाँडै बाटाे खुल्ने