१३,भदौ,रामेछाप । निरन्तरको वर्षाले रामेछापको मन्थली नगरपालिकामा फेरि एउटा पक्कि भए भासिएको छ ।  

आइतबार दिउँसो २ ः ३० बजेको समयमा मन्थली नगरपालिका वडा नं १ स्थित गुम्बाको आवश घर भासिएको जिल्ला प्रहरी कार्यालय रामेछापका सूचना अधिकारी श्रीशकर श्रेष्ठले रामेछाप टाइम्सलाई जानकारी दिए ।

उनले भने “मन्थली गुम्बाको एक तल्ले पक्कि घर भासिएको रहेछ । अहिले सशस्त्र र नेपाल प्रहरीको टोली पुगेर भासिएको घर भत्काउन थालिएको छ । त्यहाँ तत्काल कुनै पनि साधान जान नसक्ने रहेछ । त्यसैले हाम्रो टोलीले भत्काउन थालेको छ ।” 

उनका अनुसार सो घर नभत्का वरपरका अन्य घरहरुलाई भाषिएको घरले ढलेर क्षेती पुर्याउने देखिएकाले भत्काउन थालिएको हो । सो घरको सामाग्रीहरु सबै सुरक्षित ठाउँमा निकालिएको छ ।

यस अघि पनि मन्थली बसपार्कमा एउटा तीन तल्ले पक्कि घर भासिएको थियो । सो घर अहिले भत्काई सकिएको छ ।