कांग्रेस अधिवेशनः ‘दिउँसो २ बजेसम्म एक मुष्टमा सबै नतिजा सार्वजनिक गरि सक्छौं-अधिकृत लुइटेल’
१५ असोज,रामेछाप । नेपाली कांग्रेस रामेछापको प्रदेश अन्तर्गतको क्षेत्रीय निर्वाचन परिणाम दिउँसो २ बजेसम्मा सार्वजनिक भैसक्ने भएको छ ।
केन्द्रबाट खटिएका निर्वाचन अधिकृत बिष्णु लुइटेलका अनुसार आज दिउँसो २ बजेसम्म प्रदेश ‘क’ र ‘ख’ को मत परिणाम सबै सार्वजनिक गर्ने तयारी भएको रामेछाप टाइम्सलाई जानकारी दिए । उनले भने ‘हामी स(सानो परिणाममा मत सार्वजनिक गर्दा समय लाग्ने देखिएकाले अब एकै पटकमा सबै परिणाम सार्वजनिक गर्ने तयारी गरिरहेका छौं ।’ उनका अनुसार क्षेत्र क २५० बढी र ख ३५० बढि मत गणना भैसकेको छ ।
कांग्रेस रामेछापको बिहिबार प्रदेश अन्तर्गतको क्षेत्र नं ‘क’ र ‘ख’ मा क्षेत्रीय निर्वाचन सम्पन्न भैसकेको छ ।
हाल मत गणना जारी छ । दुई प्रदेशमा गरि कूल १४ सय १३ जना मतदाताले मतदान गरेका छन् ।
उनीहरुले जिल्लाको नेतृत्व चयन गर्ने प्रतिनिधि छनिने छन् ।
कांग्रेस रामेछापको भोली शनिबार हुने जिल्ला सभापति पदको उम्मेद्वरीमा तीन जनाको उम्मेद्वरी छन् । जसमा हाल पार्टी सभापति समेत रहेका लवश्री न्यौपाने, संस्थापन ईतर समूहबाट कृष्णबहादुर महत र स्वतन्त्र उम्मेद्वरबाट पूर्णबहादुर तामाङ् (कान्छाराम) चुनावी मैदानमा छन् ।