६ भदौ, रामेछाप । गत वैशाख ३० मा सम्पन्न स्थानीय तहको निर्वाचनमा भाग लिएका र निर्वाचित जनप्रतिनिधिहरु अधिकांशले रामेछापमा खर्च विवरण गर्न अटेर गरेपछि नाम सार्वजनिक गरिएको छ । 

जिल्ला निर्वाचन कार्यालय रामेछापले पटक–पटक खर्च विवरण बुझाउनलाई ताकेता गर्दा पनि उनीहरुले अटेर गरेपछि निर्वाचन कार्यालय रामेछापले उनीहरुको नाम सार्वजनिक गरेको कार्यालय प्रमुख मधुकर शाहले रामेछाप टाइम्सलाई जानकारी दिए । 

सार्वजनिक विवरण अनुसार अधिकाशं जनप्रतिनिधिहरुले निर्वाचन खर्च बुझाएका देखिदैन् । स्थानीय तहको निर्वाचनमा रामेछाप जिल्लाको आठ वटा स्थानीय तह र ६४ वटा वडामा गरी १२ सय ५९ जनाले उम्मेदवारी दिएका थिए । 

आठ स्थानीय तहका प्रमुख उपप्रमुख र ६४ वटा वडामा गरी ३३६ जना जनप्रतिनिधि निर्वाचित भएका थिए ।

हेर्नुहोस् क-कसले बुझाएनन् विवरण ।