काँग्रेस बैठक : जिल्ला सम्मेलनलाई वृहत् पार्न उपसमिति गठन, यी हुन् निर्णय ?
फाइल फोटो ।
१७ जेठ, रामेछाप । नेपाली काँग्रेस रामेछापले आउँदो ३० र ३१ गते गर्न लागेको वृहत् जिल्ला सम्मेलन सफल पार्न सभापति पूर्णबहादुर तामाङ (कान्छाराम) को संयोजकत्वमा उपसमिति गठन गरेको छ ।
मंगलबार पार्टी कार्यालय बिपी स्मृति भवन मन्थलीमा बसेको बैठकले जिल्ला सम्मेलनलाई सफल र भव्य बनाउन तयारी तीव्र पार्ने र त्यसको लागि आवश्यक काम गर्न उपसमिति गठन गरिएको पार्टी सचिव दीपक खड्काले रामेछाप टाइम्सलाई जानकारी दिए ।
त्यस्तै मंगलबारकै बैठकले बाँकी सदस्यको लेबी उठाएको, मंगलबार काठमाडौँमा निधन भएकी पार्टी नेतृ सहित विभिन्न समयमा ज्यान गुमाएकाहरू प्रति शोक व्यक्त गर्न निर्णय गरेको सचिव खड्काले जानकारी दिए ।
