अविरल वर्षाले रामेछापको मझुवामा एक घर भत्कियाे
तस्बिर स्रोत Routine of khandadevi news
२८ असार,रामेछाप । जिल्लाकाे खाँडादेबी गाउँपालिकामा केही दिनयताकाे अविरल वर्षाले एक घर भत्किएको छ । गएराति उक्त घर भत्किएको हाे ।
बिहीबार वडा नम्बर २ मझुवामा स्थानीय मनोज कुमार बुढाथोकीको घर भत्किएको बताइएको छ।
वर्षादकाे कारण २ तले घर भत्किँदा भुई तलामा बाँधिएको एउटा गाई च्यापिएको स्थानीय चेतबहादुर बुढाथोकीले जानकारी दिए ।
यसअघि पनि साेही पालिकाकाे वडा नं ८ मा भूकम्पले हल्लाएकाे बसाेबास नगर्ने एक घर भत्किएको थियाे ।
