३ वैशाख, रामेछाप । सोमबार बिहानै मन्थलीको नगरपालिका वडा नं ७ भटौली स्थित मुगिटार सडकमा भएको टिफर दुर्घटनामा गम्भीर घाइते सह–चालकलाई काठमाडौँ लगिएको छ ।  दुर्घटना बिहान ५ ः १५ बजेको समयमा भएको हो । 

बागमती प्रदेश ०१–००६ ख ३८३९ नम्बरको टिफर दुर्घटनामा चालक २० वर्षीय ‘दीपेन्द्र’ भन्ने पवित्र बस्नेतको मृत्यु भएको थियो । 

भने, सह–चालक दोलखाको तामाकोशी गाउँपालिका वडा नं ६ च्यामा बस्ने अन्दाजी २१ को मनोज फुयाँल गम्भीर घाइते भएका थिए । उनको मन्थली अस्पतालमा सामान्य उपचार पछि थप उपचारको लागि काठमाडौँ स्थित ट्रमा सेन्टर रेफर गरिएको रामेछापका डिएसपी प्रदीप कुमार सिंहले रामेछाप टाइम्सलाई बताए । 

‘घाइतेलाई ट्रमा सेन्टर रेफर गरिएको छ । मृतकको परिवार आउँदै हुनु हुन्छ’ शव मन्थली अस्पतालमै छ’ डिएसपी सिंहले रामेछाप टाइम्ससंग भने । 

बालुवा बोकेर भटौली तर्फबाट मन्थली तर्फ आउँदै गरेको टिफर  सडकबाट तामाकोशी नदी किनारमा खसेको छ ।