प्रेस युनियन रामेछापले असार २ गते जिल्ला अधिवेशन गर्ने
प्रेस युनिनि लोगो
१७ जेठ, रामेछाप । नेपाल प्रेस युनियन रामेछापले आउँदो असार २ गते शनिवार जिल्ला अधिवेशन गर्ने भएको छ ।
मंगलबार बासेको युनियनको पदाधिकारीको बैठकले केन्द्रबाट आएको निर्देशनलाई कार्यान्वयन गर्दै लामो समयदेखि विविध कारणले हुन नसकेको जिल्ला अधिवेशन गर्ने मिति तोकेको अध्यक्ष अप्रिल अधिकारीले जानकारी दिए ।
सो बैठकले अधिवेशनको तयारीको लागि विभिन्न उपसमिति गठन गरेको छ । सोही बैठकले जिल्ला शाखामा आबद्ध रहेका पुराना सदस्य र नयाँ बन्न आबदेन दिएका सदस्यहरूको आवश्यक प्रमाणसहित केन्द्रमा सिफारिस पनि गरेको सचिव रामचन्द्र बि क ले बताए ।
जिल्लाबाट पठाएको नयाँ तथा पुराना सदस्यको केन्द्रले सदस्य टुङ्गो लगाएपछि निश्चित हुने जनाइएको छ ।
