दोरम्बा शैलुङ गाउँपालिकामा सोनाम ल्होसार मनाउन आइतबार सार्वजनिक बिदा
![](https://ramechhap-times.prixacdn.net/media/gallery_folder/dormaba_officert_house_1VHzmEKYld.jpg)
२६ माघ, रामेछाप । शनिवार (भोलि) तामाङ समुदायको महान् पर्व सोनाम ल्होसारको बिदा दोरम्बा शैलुङ गाउँपालिकाले पर्सी आइतबार दिएको छ ।
आज शुक्रवार गाउँ कार्यपालिकाको कार्यकालमा बसेको बैठकले ‘सोनाम ल्होसार’को अवसरमा शनिवार बाहेक आइतबार पनि सार्वजनिक बिदा दिने निर्णय गरेको पालिकाका प्रमुख प्रशासकीय अधिकृत भोला पाठनले जारी गरेको पत्रमा उल्लेख छ ।
सो पत्रमा ‘यस गाउँपालिका भर २७ शनिवार र २८ गते आइतबार सरकारी निकाय, संघ संस्था तथा विद्यालयहरूमा ‘स्थानीय पर्व बिदा’ दिएको’ उल्लेख छ ।
यस अगाडि जिल्लाको सुनापति गाउँपालिका शनिवार बाहेक आइतबार र सोमबार दुई दिन ल्होसार पर्वको बिदा दिए सकेको छ ।