राकाथुम स्थित खैरेनी पुल नजिकै सुनकोसी नदीमा भेटियो अपरिचित पुरुषको शव
२ असोज, रामेछाप । खाँडादेवी गाउँपालिका वडा नं १ रकाथुम स्थित खैरेनी पुल नजिक सुनकोसी नदी किनारमा एक पुरुषको शव फेला परेको छ ।
सोमबार पहिचान खुल्न नसकेको अन्दाजी ५०/५२ वर्षीय पुरुषको शव फेला परेको जिल्ला प्रहरी कार्यालय रामेछापले जनाएको छ ।
फेला परेको उक्त शवलाई मन्थली स्थित मन्थली अस्पतालको शव घरमा राखिएको जिप्रका रामेछापले जनाएको छ ।
भेटिएको शव पहिचान भएमा सम्पर्कमा आउन समेत प्रहरीले आग्रह गरेको छ ।
