२६ फागुन, रामेछाप । रामेछापको सुनापति गाउँपालिका वडा नं ३ हिलेदेवीमा  जग्गा भाडामा लिएर ठुलो परिमाणमा लागू औषध (अफिम) खेती गरेको आरोपमा दुई जना महिला पक्राउ परेका छन् । 

पक्राउ पर्नेमा रुकुम पुर्वीभेग पुथा उत्तरगंगा गाउँपालिका १ घर भई हाल सुनापती गाउँपालिका ३ बस्दै आएकी ६८ वर्षीय बुद्दि माया पुन मगर (गुरुङ) र सोही ठाउँकी वडा नं ५ घर भई  हिलेदेवी बस्दै आएकी ४२ वर्षीय कान्छी मगर छन् । 

उनीहरूले हिलेदेवीका मेखबहादुर तामाङ र जगत तामाङको गरी अन्दाजी ६ रोपनी घर जग्गा भाडामा लिएर लागू औषध खेती गर्दै आएको पाइएको जिल्ला प्रहरी कार्यालय रामेछापले जनाएको हो । 

जग्गा भाडामा लिएर उनीहरूले सात हजार बोट अफिमको बिरुवा रोपेको पाइएको जिप्रका रामेछापकाले जनाएको हो । उनीहरूलाई शुक्रवार पक्राउ गरी थप अनुसन्धान भइरहेको जनाइएको छ ।