झ्यास पोल्दा गम्भीर घाइते रामेछाप पुरानागाउँकी वृद्धाको उपचारको क्रममा निधन
जलेर गम्भीर घाइते हुँदा उद्दार हुँदै गर्दाको तस्बिर फाइल ।
३० चैत, रामेछाप । हिजो बिहीबार आफ्नै बारीको झ्यास पोल्ने क्रममा शरीरमा आगो सल्किँदा जलेर गम्भीर घाइते भएकी पुरानागाउँकी वृद्धा महिलाको उपचारको क्रममा निधन भएको छ ।
उपचारको क्रममा गए राति १२ ः ४५ मा उनको निधन भएको अस्पतालले जनाएको हो ।
मन्थली नगरपालिका वडा नं ९ पुरानागाउँ लामाटोलकी ८५ वर्षीय लालमाया तामाङको गए राति कीर्तिपुर स्थित बर्निङ अस्पताल काठमाण्डौ उपचारको क्रममा निधन भएको जिल्ला प्रहरी कार्यालय रामेछापले जानकारी दिएको छ ।
आफ्नै बारीमा सुकेको पत्कर, झ्यास पोल्ने क्रममा शरीरमा आगोले पोल्दा वृद्धा तामाङ गम्भीर घाइते भएकी थिइन् । तत्काल उद्दार गरी हेलिकप्टर मार्फत काठमाण्डौ पठाइएकोमा उनको निधन भएको हो ।
