रामेछापको फर्पुबाट आफूखुसी घर छोडेर हिँडेका दुई बालकलाई प्रहरीले आफन्तको जिम्मा लगायो
०२ जेठ,रामेछाप । फर्पुबाट आफू खुसी घर छोडेर हिँडेका दुई बालकलाई रामेछाप प्रहरीले फेला पारी परिवारको जिम्मा लगाएको छ ।
बुधवार बिहान गोकुलगंगा गाउँपालिका वडा नं ६ का तीर्थबहादुर तामाङका १३ वर्षीय छोरा आकाश तामाङ र सोही ठाउँका सोमे तामाङको १४ वर्षीय छोरा राजकुमार तामाङ बेपत्ता भएपछि प्रहरीलाई खोजी गर्न परिवारले आग्रह गरेका थिए ।
लगत्तै जिल्ला प्रहरी कार्यालय सहितको टोलीले खोजी गर्ने क्रममा बुधवारै दिउँसो मन्थली बजारमा हिँडिरहेको अवस्थामा ती दुई बालकलाई फेला पारी परिवारको जिम्मा लगाइएको जिल्ला प्रहरी कार्यालय रामेछापले जानकारी दिएको छ ।
ती बालकहरुले किन घर छाडे भन्ने बारेमा थप केही खुलाइएको छैन ।
